Sipas raportimeve, Dusan Vlahovic do të pranojë një pagë neto prej 6 milionë euro në sezon për t’iu bashkuar Juventusit këtë muaj.

Sulmuesi është shfaqur si objektivi kryesor i transferimeve të Bianconerëve në sezonet e fundit dhe ai do të ishte një nga blerjet më të mira të këtij sezoni nëse do të transferohej në Torino tani.

Me rreth 18 muaj të mbetur nga kontrata e tij aktuale me Fiorentinën, ai ka refuzuar të nënshkruajë një të re.

Juve përballet me konkurrencën e Arsenalit dhe Manchester Cityt në përpjekjen e tyre për ta transferuar atë, por duket se sulmuesi dëshiron të transferohet në Torino.

“Gazzetta dello Sport” raporton se ndërsa Juventus përpiqet të ndërmjetësojë një marrveshje me klubin e tij, sulmuesi nuk do të ketë probleme të pranojë ofertën e tyre për pagën.

Juve po redukton faturën e pagave dhe tani do të ketë një kufi pagash, por Vlahovic nuk do të kerë asnjë problem me 6 milionë euro në sezon./Arbresh.info